السلام عليكم ورحمة الله وبركاته
اخواني الأعزاء اللي يشوف هالكلام بيقول ان اللي يكتبه ما فكر زيادة قبل ما يختار تخصصه
ومن غير لا تطول السيرة انا بشرحلكم قصتي مع تخصص الكيمياء وكيف حولت منه لتخصص التسويق
واحكي لكم من البداية تابعوني وانا لكم من الناصحين ان شاء الله ...
انا كانو اهلي يحبو العلم ويحبو ان الواحد يحصل اعلى مستوى دراسي بجهده ويدرس التخصص اللي يحبوه اهله
ويصيرو يتباهون فيه ويتفاخرون بان ولدهم صار جامعي ما شاء الله عليه ولو انه ما يحب التخصص اللي اختاروه هم علما انو انا اول ولد لهم يدخل الجامعة من الذكور
المهم الوالد الله يرحمه يحب التجارة والوالدة الله يحفظها تحب الهندسة وتحب العلوم ومن هنا ابتدت القصة ↷💁💪💪💪
بعد نجاحي بالثانوية العامة قدمت على الجامعات في دولتنا الأردنية والحمد لله كتبت التخصصات الي تناسب معدلي بالثانوية وكان من ظمن التخصصات اللي قدمت عليها التمريض والاحياء والفيزياء وعلم الحاسوب والاحصاء وسويتلي تشكيلة تخصصات مثل علبة الماكنتوش الجديدة كل حبة لون ههههههه وقدمت على القبول الموحد وانا مث الأطرش بالزفة ما اعرف وين بيتم القبول الجامعي
وبعد أسبوعين نزلت قائمة القبول الموحد الجامعي للطلبة المتقدمين وهنا كانت الصدمة .... لقيت نفسي انقبلت في جامعة ما كتبتها في الاختيارات الثلاثين المطروحة وفي تخصص كنت انا اعتبره المشكلة الأولى عندي بايام الدراسة
لقيت نفسي في جامعة الحسين بن طلال وتخصصي الكيمياء ومن هنا ابتدت العجايب
قلت يلا الحمد لله خيرة والخيرة فيما اختاره الله المهم .... دخلت الجامعة ودرست الكيمياء وصار امر محتوم علي وصرت اطالع واقرا بزيادة وحصلت معدل جيد جدا بأول سنة ومعدل جيد بالسنة الثانية وبعد السنة الثانية ابتديت اتعمق بالكيمياء و فجأة توفي والدي بمنتصف الفصل الدراسي وانشغلنا بمصالحنا بحكم اني الابن الأوسط واليد الواحدة ما تصفق وصرت اهمل الدراسة بالكيمياء الى ان صارت تظهر مشاكل مع المدرسين
اللي يعرف مدرسين المواد العلمية يعرف ان نفسياتهم زايدة شوي واي كلمة يحللونها بمزاجهم وتنفهم غلط أحيانا وبلشنا من هنا المشاكل والمصادمات وفكرت بتغيير التخصص وصرت ادور على تخصص له مستقبل ممكن يكون ناجح وبنفس الوقت يفيدني بشغلي ومصالح الاهل وسألت وتحريت عن التخصص والاغلب شجعني على تخصص التسويق والحمد لله دخلت التسويق وابدعت فيه وجبت بأول سنة تقدير امتياز والسنة اللي بعدها زادت المشاغل وثبت المعدل على تقدير جيد الى ان تخرجت والحمد لله واستلمت الشغل بمصالح الاهل التجارية وهذا انا ان شاء الله اخرج من نجاح علشان ادخل في نجاح اكبر
والموضوع اللي بعده بحكيلكم عن المشاكل اللي تحصل للشخص عند الوقوف وجها لوجه امام الشركات وامام المستهلكين والصعوبات اللي بيحصلها المتعلم في سوق العمل وبحكي لكم كيف ان سوق العمل يختلف كليا عن دراسة التسويق والكلام اللي نسمعه من المدرسين ومن اللي يتكلمو عن التسويق ك نشاط ..... يتبع
تعليقات
إرسال تعليق